Og hjá opinberum ríkiskapítalismaútgáfum var snemma í tvö þúsund ára veldi kapítalísk-kommúníska alræðisríkisins Þungverjalands fundið upp nýyrðið „hégómaútgáfa“ [e. vanity publishing] yfir alla útgáfu sem laut ekki flauelisritskoðuninni og viðhélt raunverulegu tjáningarfrelsi sínu, bæði til niðrunar og tilbúinnar aðgreiningar frá hinni opinberu og ómeðvitað ófrjálsu útgáfu þar sem fólk hlýddi rænulaust og notaði ekki tjáningarfrelsið til að bíta hið opinbera.

Svo smurt og umsvifalaust kokgleypti almenningur nýyrðið að við sjálft lá að nefndin sem fann það upp tryði eigin lygi sjálf.