Hér er væntanlegur tengill á væntanlega sólóplötu, Hafmeyjur og hákarlar, sem vonandi fer að rata inn a flestar streymisveitir en ég á enn eftir að klára.

Þá má setja hér inn strax tengil á sólóplötuna Ló sem er konseptalbúm og konseptið er hvort hægt sé, með hjálp Gísla Magnússonar sem tekur upp, að semja, spila á öll hljóðfæri og bulla upp úr sér textum og syngja á heila plötu á einu kvöldi. Það tókst með ekki miklu svindli: Ló.

Þá má með tíð og tíma kannski vænta þess að hingað komi sólóplata mín Súkkulaði og kók (fáanleg í nokkrum eintökum í Lucky Records), hlekkur á óútgefinn hljóðljóðabálk sem er í vinnslu og kannski sitthvað eldra sem ég held fyrir sjálfan mig að svo búnu.

Stök sönglög gætu sömuleiðis dottið hingað inn sem og sitthvað sem ég hef unnið með öðrum.