Í eftirlitssamfélagi þar sem fylgst er með hverju fótmáli allra og upplýsingum safnað svo að nota megi til að selja fólki drasl er ekki einu sinni undankomuleið í dauðanum. Dauðinn er tilkynningaskyldur til alls kyns stofnana og að mér vitandi hefur ekki enn verið fært í reglugerðir að fólk megi gera það sem það vill […]

Ef ég skyldi nú finnast urðaður í gjótu eða ekkert heyrast til mín eða sjást eða lenda á vonarvöl, rægður og smáður, þá er það vegna þess að mér varð það á að rétta valdsmanni höndina í veislu eftir að hann hafði látið eins og ég væri loft svo það var æði áberandi, einkum þegar […]

Og svo sem eins og Job. Hvílíkur níðingur reyndist Guð Job. Veðjaði við Satan um hvort Job væri í raun sanntrúaður og tók af honum allt ef vera kynni að Job væri aðeins trúr Guði vegna velgengni sinnar. Þá reiddist Job Guði. Og hvað hafði Guð fram að færa þegar upp var staðið? Ekkert — […]

Ég geri ráð fyrir að alla vega einhverjir hafi fengið nýja sýn á gildi þess að lýsa yfir neyðarástandi vegna hlýnunar jarðar eftir nýjustu tíðindi frá Bretlandi, sem lýsti yfir neyðarástandi vegna loftslagsmála árið 2019. Nú er það að frétta frá Bretlandi að Bretar hyggjast draga stórlega úr fjármagni til aðgerða vegna loftslagsmála, sem litlar […]

„En okkur skortir allan dug, við eigum ekki slíkan hug, engan Hómer, ekki neitt, ekkert nema röflið eitt. Margt eitt fól þótt stökkvi á stöng er stefnan bæði lág og röng. Staðreyndin er sem sagt sú að Sveinbjörn heitir Valbjörn nú.“ — Þ. E.

Frétt RUV af dauða Yevgueni Prigozhins er ágæt að því leyti að hún er hlutlæg, sem er ekki í tísku. Hún leyfir manni að draga sínar eigin ályktanir. Nefnt er að Rússar séu byrjaðir á sinni eigin rannsókn á því hvernig það atvikaðist að Yevgueni Prigozhin, leiðtogi Wagner-liða, var einn þeirra sem lét lífið í […]

Það drífur fátt á daga mína sem er í frásögur færandi. Yfirleitt skrifa ég um abstrakt hluti á þessum vettvangi. Í gær fór ég í mat með börnum mínum til móður þeirra. Það var gaman. Í dag kom skáldið sjálft í heimsókn og dró mig síðan út á kaffihús þar sem við fengum okkur súrdeigsbrauð […]

„Karlmenn töluvert betri í skák,“ kaus annar miðill af tveimur sem sögðu sömu frétt á Íslandi að hafa að fyrirsögn. Hinn miðillinn setti mun hlutlausari fyrirsögn og ekki grunlaust um að sá fyrrnefndi hafi verið á orðaveiðum, reynt að taka eitthvað úr samhengi sem sami viðmælandi sagði til þess að gera það grunsamlegt og fiska […]

Gervigreindin er ekki lengur „hugsanlega“ fær um að búa til list heldur er hún byrjuð á því fyrir nokkru: Nú síðast skrifaði hún alveg upp á sitt einsdæmi skáldsögu, hannaði kápuna, setti hana á Amazon og bjó til mynd af höfundinum, sem var raunverulegur höfundur með raunverulegt nafn, hún hafði bara aldrei skrifað þessa bók […]

Í frétt á íslenskum miðli er þess getið að regnbogafánar hafi verið skornir niður við bensínstöð í Öskjuhlíð og sagt að þetta sé ekki í fyrsta sinn sem slíkt gerist, margir regnbogafánar við margar bensínstöðvar hafi verið teknir niður á undanförnum árum og séu þetta skipulögð skemmdarverk sem beinist gegn hinsegin fólki. Og ekki bara […]

Kannski er ekkert orð til á íslensku yfir fyrirbærið sem er ekki neikvætt. Alla vega koma nokkur í hugann sem ekki eru hlutlaus: Skríll, múgur, hópsál, lýður (sem þó er helmingur orðsins lýðræði), pakk … Fjöldi er þó tiltölulega hlutlaust og hópur líka. Eða mergð. Hópsál kemst kannski næst því sem ég er að hugsa […]

Það hafa kannski ekki allir veitt því athygli en Rússneska rétttrúnaðarkirkjan er með útibú í Reykjavík. Sagði ég útibú? Kannski væri nær að segja kirkju. Þó er þetta einhver minnsta kirkja í heimi, svo lítil að það er varla pláss til að skipta um skoðun í henni, og er það vel við hæfi. Kirkjan stendur […]

Um leið og húmor er ekki lengur tilhlýðilegur, þá eru bókmenntirnar búnar að vera. Eitthvað á þessa leið orðaði Milan Kundera það, en hann er látinn, 94 ára að aldri. Þó má ekki síður læra af honum gildi alvörunnar, gildi hugleiðinga, að leyfa sér að hugsa í skáldsögum og nota til þess þær aðferðir sem […]